पाचोरा तालुक्यातील वेरुळी येथील तरुण पाटाच्या पाण्यात बेपत्ता! शोध मोहीम सुरू
पाचोरा: वनी गडावर पायी यात्रेसाठी गेलेल्या पाचोरा तालुक्यातील वेरूळी खु.येथील भिल्ल समाजातील एका तरुणाचा जामदा कालवा पाटाच्या पाण्यात आंघोळ करण्यासाठी गेला असता सदर इसम वाहून गेल्याची दुर्दैवी घटना घडली आहे. या तरुणाचे नाव सचिन सोनवणे उर्फ पिंकू असे असून, तो बेपत्ता झाल्याची माहिती समोर आली आहे.
प्राप्त माहितीनुसार, पिंकू भिल मित्रासोबत हा वनी गडावर पायी यात्रेसाठी गेला असल्याची प्राथमिक माहिती प्राप्त झाली आहे. आज सकाळी शिवणी जवळील पाटाच्या पाण्यात त्याचा आंघोळीसाठी गेला असता तो वाहून गेला असल्याचे प्रथमदर्शीकडून माहिती मिळाली. घटनेची माहिती मिळताच स्थानिक तहसीलदार, पोलिस विभाग,पोलिस पाटील आणि गावकऱ्यांनी शोध मोहीम सुरू केली आहे. सध्या या इसमाला शोधण्याचे प्रयत्न सुरू असून, अधिक तपास सुरू असून कुटुंबीयांची चिंता वाढली आहे. बचाव पथक युद्धपातळीवर शोधकार्य करत असल्याची प्राथमिक माहिती प्राप्त झाली आहे. पुढील तपशीलाची प्रतीक्षा आहे.
