पाचोऱ्यातील पोलिस निरीक्षक यांच्या विरुद्ध हरीभाऊ पाटील यांचे वरिष्ठांकडे निवेदन!
- हरीभाऊ पाटील यांच्या चुलत भावाच्या दुकानावर कारवाई केली म्हणून आकस ठेवून निवेदन दिले- पो.नि.अशोक पवार
मधुर खान्देश वृत्तसेवा: पाचोरा पोलीस स्टेशनच्या हद्दीत कायदा सुव्यस्थेकडे पाचोरा पोलिस प्रशासनाचे दुर्लक्ष झाले असून याबाबत वरिष्ठांकडे लेखी निवेदनाद्वारे हरीभाऊ पाटील यांनी तक्रार केली असून पोलीस निरीक्षक पवार यांची बदली न झाल्यास दिनांक २७ में पासून मुंबई येथील आझाद मैदानावर अर्धनग्न होऊन ढोलताशांच्या गजरात आमरण उपोषण करणार असल्याची माहिती पत्रकार परिषदेत दिली आहे. पाचोरा पोलीस स्टेशनच्या हद्दीतील गावागावात अवैध धंद्यासह गावठी दारुची निर्मिती व विक्री देशी, विदेशी दारु व गांजा सारख्या मादक पदार्थांची दिवसाढवळ्या खुलेआमपणे विक्री केली जात असल्याचे पाचोरा शहरासह पाचोरा पोलीस स्टेशनच्या हद्दीतील गावागावात कायदा सुव्यवस्था बिघडत असल्याचा आरोप केला आहे.
तर याबाबत पोलिस निरीक्षक अशोक पवार यांच्याशी पत्रकार बांधवांनी आपल्या विरुद्ध हरी पाटील यांनी बदली संदर्भात तक्रार केली असून यावर आपली प्रतिक्रिया द्यावी. यावर उत्तर म्हणून पो.नी अशोक पवार यांनी सांगितले की, दि. 14 मे 2025 रोजी मध्यरात्री 12:30 वाजेच्या सुमारास पाचोरा शहरातील समर्थ पेट्रोल पंपाजवळ असलेल्या हरिभाऊ पाटील यांच्या चुलत भावाच्या मध्यरात्री उशिरा सुरू असलेल्या चहा विक्रीच्या दुकानावर महाराष्ट्र पोलीस कायदा कलम कायद्या अंतर्गत कारवाई केल्याने त्याचा राग येऊन आकस मनात ठेवून असे निवेदन सादर केल्याचे दिसून येत आहे.
अशोक पवार, पोलीस निरीक्षक पाचोरा पोलिस स्टेशन
