पाचोऱ्यात देशी दारूची वाहतूक करणारी मारुती स्विप्ट गाडी पकडली! पोलिसात गुन्हा दाखल
दि. १८ एप्रिल २०२५ रोजी पाचोरा पोलीस स्टेशनला नियुक्तीस असलेले पोलीस निरीक्षक अशोक पवार यांना गोपनीय बातमीदाराने पाचोरा शहरातील एका खाजगी वाहनातुन अवैधरित्या चोरटी देशी दारुची वाहतूक होत असल्याची माहिती दिली असता पो. नि. पवार यांनी ग्रेड पोलिस उपनिरीक्षक सुनिल पाटील, पो. हे. काॅ. राहुल शिंपी, पो. काॅ. अशोक हटकर, होमगार्ड कपिल पाटील, पोलिस मित्र गणेश पाटील हे पथक शहरात गस्तीवर रवाना केले. दरम्यान दुपारी १२:३० वाजेच्या सुमारास गिरड रोड वरील गो. से. हायस्कूलसमोर एक चारचाकी स्विफ्ट कार क्रं. एम. एच. १४ बी. के. ५१८५ जात असताना पथकाने सदरची कार थांबवुन झडती घेतली असता त्या कारमध्ये हिरव्या कपड्याखाली काही तरी झाकलेले आढळुन आले. सखोल तपासा अंती देशी दारु (टॅंगो पंच) चे ५ खोके त्यांची किंमत १५ हजार ५०० रुपये त्यातील प्रत्येक खोक्यात १८० मि. ली. च्या ४८ बाॅटल आढळुन आल्या. कार चालक गोविंद दत्तु पुजारी (वय – ३९) रा. शिवाजी नगर, पाचोरा याचेसह १ लाख ५० हजार रुपये किंमतीची कार जप्त करण्यात आली आहे. घटनेच पुढील तपास पो. नि. अशोक पवार यांच्या मार्गदर्शनाखाली पो. हे. काॅ. राहुल शिंपी हे करीत आहेत.
