पाचोरा तालुक्यातील खेडगाव नंदीचे येथे सरलाबाई पाटील यांची उपसरपंचपदी बिनविरोध निवड
मधुर खान्देश वृत्तसेवा : दि. २२ एप्रिल २०२५: खेडगाव नंदीचे (ता. पाचोरा) येथील ग्रामपंचायतीच्या उपसरपंचपदी सरलाबाई भरतसिंग पाटील यांची बिनविरोध निवड करण्यात आली आहे. यावेळी ग्रामसेवक आबा हरी पाटील यांच्या सूचनेने अध्याशी अधिकारी म्हणून सरपंच प्रदीप जामसिंग पाटील यांच्या प्रमुख उपस्थितीत हा निवडणूक कार्यक्रम पार पडला. या प्रसंगी ग्रामपंचायतचे माजी सरपंच पंढरीनाथ गोविंदा पाटील यांच्या मार्गदर्शनाखाली ग्रामपंचायत सदस्य तथा माजी महिला सरपंच स्वाती कैलास कुमावत तसेच सदस्या गंगुबाई अशोक पाटील, दिपक यशवंत पाटील, अनिल पांडुरंग पाटील त्याच बरोबर ग्रामपंचायत कर्मचारी संजय रणसिंग पाटील, दिपक कमलाकर पाटील, सचिन दिलीप पाटील यांच्यासह ग्रामस्थ श्रीराम ढमाले,अशोक महाजन उपस्थित होते सदर निवडणूक प्रक्रिया शांततेत पार पाडण्यासाठी पोलीस कर्मचारी विकास खैरे,वसीम शेख देखील उपस्थित होते. या नवनिर्वाचित उपसरपंच सरलाबाई पाटील यांचे सर्व स्तरांतून अभिनंदन करण्यात आले आहे.
