जळगावात गोळीबारची घटना! पाचोरा पोलिसांनी केले एका हल्लेखोराला फिल्मी स्टाईलने अटक
जळगाव:मुख्यमंत्री देवेंद्र फडणवीस यांच्या 100 दिवसीय कार्यक्रमांतर्गत गृह विभागाचे काम अतिशय जलद गतीने सुरू आहे. या जलद गतीने सुरू असलेल्या कामांमध्ये जळगाव जिल्हा देखील पोलिस अधिक्षक रेड्डी यांच्या मार्गदर्शनाखाली आपल्याला अग्रेसर बघायला मिळत आहे. यामध्ये जळगाव येथील पिंप्राळा परिसरात जुन्या मित्रांच्या वादातून गोळीबार झाल्याची घटना घडली होती. सदर घटना घडताच आरोपींनी त्या ठिकाणाहून पळ काढला होता. यामध्ये पाचोरा येथे दिनांक 24 एप्रिल 2025 रात्रीच्या सुमारास रेल्वे स्टेशन जवळ गस्तीवर असलेल्या पोलिस कर्मचारी योगेश सुरेश पाटील व दिलीप पाटील यांना चार इसम संशयितरित्या आढळून आल्याने त्यांना विचारपूस केली असता त्यांनी टाळाटाळ करत त्या ठिकाणाहून पळ काढण्याचा प्रयत्न केला होता परंतु पोलीस कर्मचारी योगेश सुरेश पाटील व दिलीप पाटील यांनी त्यांना पोलिसी दाखवत फिल्मी स्टाईलने पकडून त्यांना रिक्षात बसवत असतांना पोलिसांसोबत झटापटी दरम्यान तीन संचयित आरोपींनी अंधाराचा फायदा घेत त्या ठिकाणी पळ काढला आहे. तात्काळ पाचोरा पोलिसांना माहिती दिली असता त्या ठिकाणी गस्तीवर असलेले पोलीस उपनिरीक्षक सुनील पाटील त्याचबरोबर वाहन चालक समीर पाटील, भगवान उमाळे, सागर पाटील घटनास्थळी पोहोचले असता पकडून ठेवलेल्या एका आरोपीस पाचोरा पोलिसांनी अटक करून रामानंद नगर, जळगाव पोलिस स्टेशनला सदर अटक केलेल्या आरोपीला त्यांच्या ताब्यात देण्यात आले आहे. पोलीस कर्मचारी योगेश सुरेश पाटील त्याचबरोबर त्यांच्यासोबत असलेले दिलीप पाटील त्यांच्या सह सोबत गस्तीवर असलेल्या पोलिस अधिकारी कर्मचारी यांनी केलेल्या बाबत पोलिस विभागाच्या माध्यमातून त्यांचे अभिनंदन व कौतुक करण्यात येत आहे.
