पाचोरा शहरात विकासाचा धडाका: ४ प्रभागांतील रस्ते कामांचे आमदार किशोर आप्पा पाटील यांच्या हस्ते भूमिपूजन!
पाचोरा (मधुर खान्देश): शहराच्या सर्वांगीण विकासासाठी कटिबद्ध असलेल्या आमदार किशोर आप्पा पाटील यांच्या प्रयत्नातून वॉर्ड क्रमांक १, ८, ९ आणि १० मधील प्रलंबित रस्त्यांच्या कामांना अखेर मुहूर्त मिळाला आहे. सोमवार, दि. २ मार्च २०२६ रोजी या चारही प्रभागांतील रस्ते विकास कामांचा भूमिपूजन सोहळा मोठ्या उत्साहात संपन्न झाला.
गेल्या अनेक दिवसांपासून या भागातील नागरिक रस्त्यांच्या दुरवस्थेमुळे त्रस्त होते. या नवीन रस्ते कामांमुळे नागरिकांची वाहतूक सुलभ होणार असून, पावसाळ्यात होणारा चिखल आणि पाण्याचा निचरा यांसारख्या समस्या कायमच्या दूर होणार आहेत. सुरक्षित आणि दर्जेदार पायाभूत सुविधा उपलब्ध झाल्यामुळे शहराच्या सौंदर्यात आणि विकासात भर पडणार आहे.
यावेळी आमदारांसोबत शहरातील प्रमुख पदाधिकारी आणि कार्यकर्ते मोठ्या संख्येने उपस्थित होते. यात प्रामुख्याने सुमित पाटील (गट नेते), किशोर आप्पा बारवकर,गणेश बापू पाटील,नंदू दादा पाटील,दादू वकील,किशोर पाटील,सुमित सावंत,विकी बाविस्कर, संजय एरंडे
यांच्यासह स्थानिक नगरसेवक आणि प्रभागातील नागरिक मोठ्या संख्येने उपस्थित होते.
यावेळी बोलताना आमदार किशोर आप्पा पाटील म्हणाले की, “शहराच्या शेवटच्या टोकापर्यंत मूलभूत सुविधा पोहोचवणे हे आमचे ध्येय आहे. रस्ते, पाणीपुरवठा आणि आरोग्य या त्रिसूत्रीवर भर देऊन पाचोरा शहराचा कायापालट करण्यासाठी आम्ही प्रयत्नशील आहोत.” या कामांमुळे संबंधित प्रभागातील नागरिकांनी समाधान व्यक्त केले असून परिसरात आनंदाचे वातावरण निर्माण झाले आहे.
