आव्हानांतून गरुडझेप: डॉ. सुवर्णा पाटील यांना पीएच्.डी. प्रदान; महिलांच्या मानसिक स्वास्थ्याचा जागर!
पाचोरा (मधुर खान्देश वृत्तसेवा): आजच्या आधुनिक युगात स्त्रीने चूल आणि मूल या पलीकडे जाऊन अंतराळापासून प्रशासनापर्यंत सर्वच क्षेत्रांत आपला ठसा उमटवला आहे. मात्र, ही प्रगती साधताना महिलांनी स्वतःच्या मानसिक आरोग्याकडे दुर्लक्ष करू नये, असे प्रतिपादन पाचोरा येथील श्री. शेठ मु. मा. महाविद्यालयाच्या मानसशास्त्र विभागप्रमुख प्रा. डॉ. सुवर्णा राजेंद्र पाटील यांनी केले. जागतिक महिला दिन आणि त्यांना नुकतीच प्राप्त झालेली पीएच्.डी. पदवी या निमित्ताने आयोजित गौरव सोहळ्यात त्या बोलत होत्या. प्रा. सुवर्णा पाटील यांना कवयित्री बहिणाबाई चौधरी उत्तर महाराष्ट्र विद्यापीठाकडून नुकतीच पीएच्.डी. पदवी प्रदान करण्यात आली. साक्री येथील डॉ. जयप्रकाश चौबे यांच्या मार्गदर्शनाखाली त्यांनी “पोलीस कर्मचाऱ्यांच्या मानसिक, शारीरिक आणि कौटुंबिक आरोग्यावर नोकरीच्या संस्कृतीचा विश्लेषणात्मक अभ्यास” या विषयावर सखोल शोधप्रबंध सादर केला.
पोलीस दलातील आव्हानात्मक नोकरीचा त्यांच्या कौटुंबिक आणि आरोग्यावर होणारा परिणाम त्यांनी शास्त्रीय दृष्टिकोना
