पाचोरा: चेट्रिचंड गुढीपाडव्यानिमित्त सिंधी जनरल पंचायतीतर्फे भव्य रक्तदान शिबिर
पाचोरा:सिंधी समाजाचे आराध्य दैवत भगवान झुलेलालजी यांचा जन्मदिवस (चेट्रिचंड) आणि हिंदू नववर्ष (गुढीपाडवा) यांचे औचित्य साधून पूज्य सिंधी जनरल पंचायत, पाचोरा यांच्या वतीने एका विशेष रक्तदान शिबिराचे आयोजन करण्यात आले आहे. सामाजिक बांधिलकी जपत दि. २० मार्च २०२६ रोजी हे शिबिर पार पडणार आहे.
सामाजिक बांधिलकीचा वारसा
सध्या विविध रक्तपेढ्यांमध्ये रक्ताचा मोठ्या प्रमाणावर तुटवडा जाणवत आहे. विशेषतः थॅलेसेमिया बाधित रुग्णांना नियमित रक्ताची आवश्यकता असते. ही गंभीर गरज ओळखून, रुग्णांचे प्राण वाचवण्यासाठी सिंधी समाजाने या उपक्रमाचे पाऊल उचलले आहे.
शिबिराचा तपशील:
- दिनांक: शुक्रवार, २० मार्च २०२६
- वेळ: सकाळी १०:०० ते दुपारी ३:०० वाजेपर्यंत
- स्थळ: झूलेलाल मंदिर, सिंधी कॉलनी, पाचोरा.
- सहकार्य: रेड क्रॉस ब्लड बँक, जळगाव.
सहभागाचे आवाहन: या शिबिराचे नेतृत्व श्री. रवी सोनार व त्यांचा सहकारी गट करत आहे. “रक्तदान हेच सर्वश्रेष्ठ दान आहे, या भावनेतून पाचोरा शहरातील व परिसरातील सर्व नागरिकांनी मोठ्या संख्येने उपस्थित राहून रक्तदान करावे,” असे आवाहन पूज्य सिंधी जनरल पंचायत, पाचोरा यांच्या वतीने करण्यात आले आहे.
