श्रमिक राष्ट्रीय कामगार सेनेच्या उत्तर महाराष्ट्र दौऱ्यात जितेंद्र जैन यांची छाप; उत्कृष्ट संघटन कौशल्याचे सर्वत्र कौतुक
जळगाव: श्रमिक राष्ट्रीय कामगार सेनेच्या उत्तर महाराष्ट्र दौऱ्यात संपर्क प्रमुख जितेंद्र जैन यांनी आपल्या प्रभावी नियोजनाने आणि धडाडीच्या नेतृत्वाखाली हा दौरा यशस्वीपणे फत्ते केला असून, एक सक्षम संघटक म्हणून त्यांनी स्वतःचा वेगळा ठसा उमटवला आहे. पाचोरा-भडगाव मतदारसंघाचे आमदार किशोर आप्पा पाटील यांचे विश्वासू सहकारी असलेल्या जैन यांनी कार्यकर्त्यांशी थेट संवाद साधत आणि उत्तम समन्वय राखत संघटनेला नवी उभारी दिली आहे. विधानसभा व स्थानिक निवडणुकांमधील दांडगा अनुभव आणि युवासेनेतील सक्रिय कार्यामुळे त्यांनी अल्पावधीतच कार्यकर्त्यांचा विश्वास संपादन केला असून, त्यांच्या या कामगिरीचे प्रदेशाध्यक्ष बाबासाहेब चव्हाण, मकवाना साहेब, नानासाहेब बछाव यांसह विविध जिल्हाप्रमुखांनी विशेष कौतुक केले आहे. या दौऱ्यातील त्यांच्या झंझावाती कामगिरीमुळे भविष्यात उत्तर महाराष्ट्रात संघटना अधिक मजबूत होईल, असा विश्वास व्यक्त केला जात आहे.
