पाचोरा युथ फाऊंडेशनतर्फे श्री. गो.से. हायस्कूल येथे शैक्षणिक साहित्याचे वाटप
पाचोरा, दि. २५ जून २०२५: पाचोरा तालुका सहकारी शिक्षण संस्था संचलित श्री. गो.से. हायस्कूल, पाचोरा येथे २४ जून २०२५ रोजी पाचोरा युथ फाऊंडेशनच्या वतीने शाळेतील अनाथ आणि गरजू विद्यार्थ्यांना वह्या, पेन, दप्तर यासारख्या शैक्षणिक साहित्याचे वाटप करण्यात आले.
कार्यक्रमाच्या सुरुवातीला शाळेचे मुख्याध्यापक श्री. एन. आर. ठाकरे यांच्या हस्ते सर्व मान्यवरांचे स्वागत आणि सन्मान करण्यात आले. याप्रसंगी उपमुख्याध्यापक श्री. आर. एल. पाटील, पर्यवेक्षिका सौ. ए. आर. गोहिल, श्री. आर. बी. तडवी, सांस्कृतिक उपप्रमुख श्री. आर. बी. बोरसे, क्रीडा प्रमुख श्री. एस. पी. करंदे यांच्यासह इतर शिक्षक, शिक्षकेतर कर्मचारी आणि विद्यार्थी उपस्थित होते.
पाचोरा युथ फाऊंडेशनचे सदस्य श्री. सुखदेव पाटील, दिलीप संघवी, श्री. पंकज बांठिया, शैलेश बाफना, श्री. अंकित माथुरवैश्य, प्रिया जैन गुप्ता, श्री. ए. सी. एस., वृषाली शिंपी गवांदे, श्री. कल्पेश सुराणा, श्री. दिवेश बोथरा, श्रीकांत मुथा आणि अमोल संघवी यांनी या उपक्रमात सहभाग घेतला.
गरजू विद्यार्थ्यांना केलेल्या या मदतीबद्दल श्री. गो.से. हायस्कूल परिवाराने पाचोरा युथ फाऊंडेशनचे मनःपूर्वक आभार मानले आहेत.
