सामनेर, ता. पाचोरा, दि. 30 जून 2025: सामनेर ग्रामपंचायतीच्या उपसरपंचपदी श्री. महेंद्र मोतीलाल साळुंखे यांची बिनविरोध निवड झाली आहे. सरपंच सौ. संगीता भोलेनाथ भिल यांच्या अध्यक्षतेखाली झालेल्या सभेत ही निवड प्रक्रिया पार पडली. मावळत्या उपसरपंच सौ. पूनम राजेंद्र साळुंखे यांनी आपल्या पदाचा राजीनामा दिल्याने रिक्त झालेल्या जागेवर ही निवड करण्यात आली. एकमेव अर्ज प्राप्त झाल्याने निवडणूक बिनविरोध पार पडली.
या प्रसंगी सरपंच सौ. संगीता भिल, ग्रामपंचायत सदस्य बाळकृष्ण पाटील, रविंद्र साळुंखे, पूनम साळुंखे, मालुबाई पाटील, मनिषा पाटील उपस्थित होते. निवडणूक निर्णय अधिकारी म्हणून ग्रामविकास अधिकारी अविनाश पाटील यांनी कामकाज पाहिले. यावेळी भोलेनाथ भिल, साहेबराव पाटील, भालचंद्र चव्हाण, राजेंद्र साळुंखे, मुकेश सोनकूळ, यशोदीप पाटील, सुनील साळुंखे, प्रशांत साळुंखे, प्रमोद पाटील, बाळकृष्ण साळुंखे, शिवाजी चव्हाण, मकरंद पाटील, प्रशांत सूर्यवंशी आणि ऋषिकेश नेरपगार यांनी महेंद्र साळुंखे यांना शुभेच्छा दिल्या.
तुळजाई शिक्षण मंडळाचे अध्यक्ष डी. एम. पाटील यांनीही महेंद्र साळुंखे यांच्या निवडीबद्दल अभिनंदन केले. नवनिर्वाचित उपसरपंच महेंद्र साळुंखे यांच्या नेतृत्वाखाली सामनेर ग्रामपंचायतीच्या विकासाला नवी दिशा मिळेल, अशी अपेक्षा व्यक्त होत आहे.
