जळगाव: सध्या सर्वत्र मुस्लिम बांधवांचा रमजान महिना सुरू असून आठवडाभरात आता ईद मुस्लिम बांधव साजरी करणार आहे. यामध्ये तब्बल महिनाभर मुस्लिम बांधवांच्या वतीने उपवास ठेवले जातात पवित्र अशा रमजान महिन्यात विविध कार्यक्रम,सामाजिक उपक्रम केले जात असून यामध्ये पाचोरा पोलीस स्टेशनच्या वतीने इफ्तार पार्टीचे आयोजन करण्यात आले होते. यामध्ये विशेषतः मुस्लिम समाजाचे शांत,संयमी, मनमिळावू स्वभावाचे असलेले पोलीस कर्मचारी वसीम शेख यांनी देखील संपूर्ण दिवस उपवास आतापर्यंत ठेवले असून उपवास असतांना देखील चोखपणे ऑन ड्युटी २४ तास ड्युटी केली आहे. या निमित्ताने वसीम शेख त्याचबरोबर पोलीस कर्मचारी शकील शेख यांच्या सुपुत्र व पोलीस बॉईज असोसिएशनचे पदाधिकारी नदीम शेख यांनी देखील संपूर्ण उपवास आता पर्यंत ठेवले असून यांना इफ्तार पार्टीमध्ये बोलून त्यांना शुभेच्छा देण्यात आले आहेत. यावेळी पाचोरा पोलीस स्टेशनचे पोलीस उपनिरीक्षक योगेश गणगे,सुनील पाटील,तसेच पोलीस कर्मचारी विश्वास देशमुख,योगेश पाटील,तुषार विसपुते, उमाळे दादा त्याच बरोबर दिव्य मराठीचे प्रतिनिधी नंदू शेलकर,मधुर खानदेशचे संपादक राहुल महाजन,इरफान मणियार व नदीम शेख उपस्थित होते.
