पाचोऱ्यात इतके दिवस दारू दुकाने बंद! वाढ झालेल्या दारूच्या किमतीबद्दल,अवैध धाबा,टपरीवर सुरू असलेली मद्यविक्री अशा अनेक मागण्यासाठी महाराष्ट्र राज्यात ठिकठिकाणी मूक मोर्चा.
पाचोरा-भडगाव: महाराष्ट्रात दारूच्या दुकानांविरोधात नागरिकांचा रोष वाढत असून, पाचोरा आणि भडगावात संपूर्ण परमिट रूम, बियर बार, देशी दारू, बियर शॉप आणि वाईन शॉप बंद ठेवण्यात आल्याची माहिती मिळाली आहे. नागरिकांनी या बंदमध्ये सहभाग घेतल्याने त्यांचे स्वागत केले जात आहे.
राज्यातील हॉटेल व्यावसायिकांनी दारूवरील 10 टक्के व्हॅट (VAT) आणि उत्पादन शुल्कातील वाढीमुळे दरवाढ झाल्याचा निषेध नोंदवला आहे. या करवाढीमुळे हॉटेल व्यवसायावर विपरित परिणाम होत असल्याने सरकारचे लक्ष वेधण्यासाठी एकदिवसीय मूक मोर्चाचे आयोजन करण्यात आले आहे. हा मोर्चा प्रत्येक जिल्ह्यातील जिल्हाधिकारी कार्यालयावर धडकणार असून, सर्व हॉटेल व्यावसायिक आणि त्यांच्या कर्मचाऱ्यांना यात सहभागी होण्याचे आवाहन आयोजकांनी केले आहे.
यासोबतच, वाईन शॉपमधून ढाब्यांवर माल घेऊन अवैधरित्या मद्य विक्री करणाऱ्या व्यावसायिकांवर कडक कारवाईची मागणीही जोर धरू लागली आहे. अवैध मद्य विक्रीमुळे सामाजिक आणि कायदेशीर प्रश्न निर्माण होत असल्याचे नागरिकांचे म्हणणे आहे.
राज्य उत्पादन शुल्क विभागाने अवैध मद्य विक्रीच्या तक्रारींसाठी टोल-फ्री क्रमांक (18008333333) आणि व्हॉट्सअॅप क्रमांक (8422001133) उपलब्ध करून दिले असून, नागरिकांना यावर तक्रारी नोंदवण्याचे आवाहन करण्यात आले आहे. हॉटेल व्यावसायिकांचा हा मूक मोर्चा आणि बंद यशस्वी होऊन सरकारने करवाढ कमी करावी आणि अवैध मद्य विक्रीवर कठोर कारवाई करावी, अशी अपेक्षा व्यक्त केली जात आहे.
