पाचोऱ्यात ह्युमन डेव्हलपमेंट फाउंडेशनच्या वतीने जागतिक महिला दिनानिमित्त महिला व मुलींसाठी सायबर सेक्युरिटी बाबत प्रशिक्षण
पाचोरा येथील ह्युमन डेव्हलपमेंट फाउंडेशन व श्री. शेठ मुरलीधरजी मानसिंगका साहित्य, विज्ञान व वाणिज्य महाविद्यालय पाचोरा यांच्या संयुक्त विद्यमाने जागतिक महिला दिनानिमित्त महिला व मुलींसाठी प्रशिक्षण कार्यक्रमाचे आयोजन करण्यात आले आहे.
“देशात डिजिटल क्रांती झाली घरोघरी डिजिटल शिक्षणाची सुरुवात झाली, डिजिटल शिक्षण देऊया भारताला जगात महासत्ता बनवूया” डिजिटल शिक्षण हि काळाची गरज आहे. दिवसेंदिवस सायबर गुन्ह्यांमध्ये वाढ होत आहे. वेगवेगळ्या प्रकारचे सायबर गुन्हें समोर येत आहे. याबाबत अजूनही महिलांमध्ये अनभिज्ञता आहे. सायबर गुन्ह्यांच्या बाबतीत जनजागृती केली जात असली तरी अजूनही महिलांना याबाबत पुरेसे ज्ञान नाही. यासाठी संस्था सायबर लर्निग कोर्सच्या माध्यमातून जागतिक महिला दिनाचे औचित्य साधून
” Cyber Security Professional Basic Online Cours” हे प्रशिक्षण मोफत देत आहे. या कोर्सचा कालावधी 10 दिवस असून महिलांना याठिकाणी प्रशिक्षण देण्यात येणार आहे. या प्रशिक्षणासाठी शैक्षणिक पात्रता सातवी पास ते पुढिल असून वय मर्यादा 14 वर्षा पासून पुढील आहे. प्रशिक्षणासाठी नोंदणी शुल्क हे 50 /- रु मात्र असे ठेवण्यात आले आहे.
कोर्सच्या प्रवेशासाठी आवश्यक कागदपत्रे
आधारकार्ड,शैक्षणिक पुरावा,दोन पासपोर्ट फोटो लागणार असून सहभागी प्रत्येक महिलेस प्रमाणपत्र देण्यात येणार आहे. जागतिक महिला दिन 8 मार्च रोजी सायबर सेक्युरिटी कोर्स चे उद्घाटन करण्यात येणार आहे. यावेळी विधी सेवा समिती व पाचोरा वकिल संघ यांच्या मार्फत विधी सेवा शिबिराचे आयोजन करण्यात आले आहे. या वेळी प्रा. सुनिता गुंजाळ मांडोळे, सौ ललिता पाटील, डॉ मुकेश मैनाव हे महिलांना कायदेविषयक मार्गदर्शन करणार आहेत. या कार्यक्रमाचे प्रमुख पाहुणे संस्थेचे अध्यक्ष दिलीप ओंकार वाघ, चेअरमन संजय ओंकार वाघ, व्हा. चेअरमन व्हि टी जोशी. सौ. रेखा साळुंखे सहायक उपविभागीय अधिकारी पाचोरा, डॉ. सुजाता सावंत पशुधन विकास अधिकारी पाचोरा, प्राचार्य डॉ.शिरीष. डी पाटील, उप प्राचार्य डॉ वासुदेव वाले, उप प्राचार्य डॉ. जे व्हि. पाटील, यांची उपस्थिती राहणार आहे. या कार्यक्रमासाठी महिला व मुलींनी जास्तीत जास्त सहभाग घ्यावा असे आवाहन ह्युमन डेव्हलपमेंट फाउंडेशन चे चेअरमन गोकुळ सोनार व एस एस एम एस महाविद्यालयाचे समन्वयक प्रा. सौ. जयश्रीताई वाघ कॉलेज प्रा. यांनी केले आहे. प्रशिक्षण हे दोन ठिकाणी घेण्यात येणार आहे.
१) नेटवर्क अकॅडमी प्रकाश टॉकीज बाजूला जेडीसीसी बँकेच्या समोर देशमुख वाडी पाचोरा फोन नंबर 02596-240222
२)एस एस एम एम कॉलेज कम्प्युटर डिपार्टमेंट भडगाव रोड पाचोरा मोबाईल नंबर सागर सर 9422094522 प्रा.अक्षय शेंडे सर 8788019266 प्रशिक्षणासाठी नोंदणी करणे आवश्यक आहे.
दिनांक व वेळ दि.०8 मार्च २०२५, मंगळवार रोजी वेळ : ०९:00 स्थळ :I.C.T. सभागृह, मुख्य इमारत, भडगाव रोड, पाचोरा
