जळगाव: भडगाव आणि चाळीसगाव येथील ऊपप्रादेशिक परिवहन कार्यालय (RTO) वायुवेग पथक क्र. 03 यांनी रस्त्यावर अवैधरित्या चालणारे गौण खनिज वाहतूक करणारे ट्रॅक्टर तसेच डंपर वर मार्च महिन्यात कारवाई करून मोठ्या प्रमाणावर दंड आकारला आहे. जळगाव चाळीसगाव महामार्ग दरम्यान रात्री चालणाऱ्या निदर्शनास आलेल्या अनेक वाहनांना मागे ब्रेक लाईट, इंडिकेटर, रिफ्लेक्टर नसल्याने त्यामुळे मागून येणाऱ्या वाहनाला पुढचं काही दिसत नसल्याने मोठ्या अपघातांना सामोरे जावे लागते त्या अनुषंगाने अशा वाहनाना RTO अधिकारी श्रद्धा महाजन, सहायक वाहन चालक वाल्मिक माळी, सागर पाटील, संतोष सूर्यवंशी सर्व टीमने त्या वाहनांना रिफ्लेक्टर लावून रस्ता सुरक्षा अभियानाचे अंतर्गत रस्त्यावरील वाहन चालकांना योग्य मार्गदर्शन करत सूचना करण्यात आल्या आहेत.
