छावा क्रांतिवीर सेनेच्या पाचोरा तालुकाध्यक्षपदी अजय पाटील यांची नियुक्ती
पाचोरा: येथील छावा क्रांतिवीर सेनेच्या तालुकाध्यक्षपदी अजय साहेबराव पाटील यांची नियुक्ती करण्यात आली आहे. मिळालेल्या माहितीनुसार, अजय पाटील यांनी छावा क्रांतिवीर सेनेमध्ये कार्यकर्ता म्हणून समाधानकारक कार्य केले आहे. तसेच त्यांनी संघटनेच्या प्रशिक्षण शिबिरात सहभाग घेऊन संघटन बांधणीची माहिती घेतलेली आहे. त्यांच्या या कार्याची दखल घेत संघटनेचे संस्थापक अध्यक्ष श्री. करण गायकवाड यांच्या आदेशानुसार त्यांची या पदावर नियुक्ती करण्यात आली आहे. या नियुक्तीबद्दल प्रदेश कार्यकारिणी तसेच जिल्हा कार्यकारिणीने अजय पाटील यांचे अभिनंदन केले आहे. तसेच त्यांना भावी कार्यासाठी शुभेच्छा दिल्या आहेत.अजय पाटील यांनी या पदाचा स्वीकार करून छावा क्रांतिवीर सेनेचे धडाडीने कार्य करावे आणि संघटनेच्या नियमानुसार योग्य प्रकारे कार्य करावे, अशी अपेक्षा व्यक्त करण्यात आली आहे.
