ग्राम महसूल अधिकारी संघटनेची पाचोरा विभागाची नवीन कार्यकारिणी जाहीर;अध्यक्षपदी आशिष काकडे यांची निवड
मधुर खान्देश वृत्तसेवा:पाचोरा येथील ग्राम महसूल अधिकारी संघटनेच्या नवीन कार्यकारिणीची निवड करण्यात आली आहे. संघटनेच्या बैठकीत सर्व सदस्यांच्या उपस्थितीत ही निवड प्रकिया पार पडली असून यामध्ये अध्यक्ष पदाची धुरा ही युवा तलाठी आशिष कडुबा काकडे तर सचिव म्हणून दिपक शिवाजी दवंगे,सहसचिव तातेराव सपकाळ,उपाध्यक्ष राजेंद्र शिरसाट,कार्याध्यक्ष: रायगडे मॅडम,खजिनदार अतुल देवरे त्याच बरोबर सल्लागार म्हणून नकुल काळकर अशांची निवड करण्यात आली आहे. या नवीन कार्यकारिणीने भविष्यात महसूल प्रशासनाशी संबंधित मुद्द्यांवर संघटनेच्या वतीने सकारात्मक भूमिका घेऊन कार्य करण्याचा निर्धार व्यक्त केला असून संघटनेचे संघटन, सदस्यांचे प्रश्न आणि ग्राम पातळीवरील महसूल कामकाज अधिक प्रभावीपणे पार पाडणे या दिशेने काम होईल असे नवनियुक्त पदाधिकाऱ्यांनी सांगितले. कार्यक्रमानंतर पदाधिकाऱ्यांचा सत्कार तहसीलदार विजय बनसोडे यांच्या वतीने करण्यात आला आहे. यावेळी संघटनेचे सदस्य व मान्यवर मोठ्या संख्येने उपस्थित होते.
