जळगाव जिल्हाताज्या बातम्याराजकारणराज्य
ग्रामसभेत गोंधळ,धक्काबुक्की बाळद बुद्रुक येथील घटनेप्रकरणी पाचोरा पोलिसांत गुन्हा दाखल
पाचोरा:तालुक्यातील बाळद बुद्रुक येथे गुरुवारी सकाळी साडेआठ वाजेच्या सुमारास ग्रामपंचायत कार्यालयात ग्रामसेवक संजय आनंदा पाटील ग्रामपंचायत येथे ग्रामसभेसाठी आले होते. राष्ट्रीय पेयजल योजनेतील प्रोसिडिंग बुक जबरदस्तीने मागण्याच्या कारणावरून संशयित आरोपी शेखर पाटील यांनी ग्रामसेवकांशी हुज्जत घालून शासकीय दस्तऐवज फाडले आणि कामात अडथळा आणला तसेच या झटापटीत ग्रामसेवक खाली पडले, तर मध्यस्थी करणाऱ्या कर्मचाऱ्यांच्या मदतीने त्यांची सुटका झाली. शासकीय कामात अडथळा आणून धमकी दिल्याप्रकरणी ग्रामसेवकांच्या तक्रारीवरून संशयित आरोपी शेखर पाटील याच्याविरुद्ध पाचोरा पोलीस ठाण्यात भारतीय न्याय संहिता (BNS) अन्वये गुन्हा दाखल करण्यात आला असून, पुढील तपास पोलीस उपनिरीक्षक योगेश गणगे करत आहेत.
