पाचोरा:पिंपळगाव हरेश्वर येथे आणीबाणी विरोधात ‘काळा दिवस’ साजरा, २५ ज्येष्ठ कार्यकर्त्यांचा सन्मान;मधुभाऊ काटे यांची प्रमुख उपस्थिती.
मधुर खान्देश वृत्तसेवा | पिंपळगाव हरेश्वर, दि. 25 जून 2025: भारतीय जनता पार्टी पिंपळगाव हरेश्वर मंडळातर्फे आज आणीबाणीच्या विरोधात ‘काळा दिवस’ साजरा करण्यात आला. याप्रसंगी मंडळातील २५ ज्येष्ठ कार्यकर्त्यांचा सत्कार करण्यात आला. कार्यक्रमाच्या अध्यक्षस्थानी पाचोरा-भडगाव विधानसभेचे माजी आमदार दिलीप भाऊ वाघ हे होते.
यावेळी प्रमुख वक्ते म्हणून नरेंद्र पाटील शिंदाड यांनी आणीबाणीच्या कालखंडा विषयी सविस्तर माहिती दिली. कार्यक्रमाला मधुकर काटे, माजी जिल्हा परिषद सदस्य तथा जिल्हा उपाध्यक्ष भाजपा जळगाव, विजय कडू पाटील, एन सी तात्या पाटील, अशोक कृष्णराव पाटील, विनोद महाजन, जयतमल सर, नगरदेवळा मंडळ अध्यक्ष गोविंदजी शेलार आणि पिंपळगाव मंडळाच्या अध्यक्षा शोभाताई तेली यांची प्रमुख उपस्थिती होती. कार्यक्रमाचे सूत्रसंचालन संजय झेरवाल यांनी केले. उत्साहपूर्ण वातावरणात हा कार्यक्रम यशस्वीपणे संपन्न झाला.
