सुरत येथील सुशिक्षित कुटुंबावर कौटुंबिक छळाचा आरोप; कलम 498-A अंतर्गत गुन्हा दाखल
पाचोरा: पाचोरा येथील एका विवाहित महिलेने पती आणि सासरच्या मंडळींविरुद्ध हुंड्यासाठी मानसिक आणि शारीरिक छळ केल्याचा आरोप करत पाचोरा पोलीस ठाण्यात तक्रार दाखल केली आहे. या तक्रारीनंतर पोलिसांनी भारतीय दंड संहितेच्या कलम 498-A (हुंड्यासाठी छळ), 323 (मारहाण), 504 (शिवीगाळ), 506 (धमकी) आणि 34 (सामूहिक कृती) अंतर्गत सात आरोपींविरुद्ध गुन्हा दाखल केला आहे.
मिळालेल्या माहितीनुसार, तक्रारदार महिला पाचोरा येथील रहिवासी आहे. तिने सुरत येथील आपल्या पती, सासू, सासरे आणि इतर कुटुंबीयांवर छळाचा आरोप केला आहे. आरोपी हे सुरत येथील 89, आफरीन अपार्टमेंट, फ्लॅट 201, द्वितीय मजला, शांतीनगर, उधना येथे राहणारे असून ते एक सुशिक्षित कुटुंब आहे.
तक्रारीत नमूद केल्यानुसार, आरोपींनी हुंड्यासाठी सतत त्रास दिला, शिवीगाळ केली आणि मारहाण केली. आरोपींची नावे अशी आहेत:
- पती: आयाज मुक्तार पिंजारी
- सासरे: मुक्तार हरुन पिंजारी
- सासू: नाझमीन मुक्तार पिंजारी
- ननंद: आसमा इम्रान पिंजारी
- इम्रान इक्बाल पिंजारी
- अहमद अरुण भाई पिंजारी
- इरफानखा उस्मानखा पिंजारी
या प्रकरणाचा पुढील तपास पाचोरा पोलीस ठाण्याचे पोलीस हवालदार रणजीत पाटील करत आहेत.
