पाचोऱ्यात थंड पाण्याच्या जारमुळे नागरिकांच्या आरोग्याशी खेळ; लक्ष्मण (लकी पाटील) यांची प्रशासनाकडून कारवाईची मागणी
पाचोरा, दि. २५ मे २०२५: पाचोरा शहरात थंड पाण्याच्या जारच्या नावाखाली सिंधी कॉलनी परिसरातील एका थंड पाणी विक्रेत्याकडून नागरिकांच्या जीवाशी खेळ सुरू असल्याचा धक्कादायक प्रकार समोर आला आहे. कृष्णापुरी परिसरातील लक्ष्मण उर्फ लकी पाटील यांच्या कुटुंबाने याबाबत आपबीती सांगितली असून, थंड पाण्याच्या जारमध्ये केमिकलचा वापर होत असल्याचा गंभीर आरोप करण्यात आला आहे. पाटील कुटुंबाने सांगितले की, त्यांनी घरात मागवलेल्या थंड पाण्याच्या जारमधील पाणी वापरल्यानंतर कुटुंबातील काही सदस्यांना तब्येतीच्या तक्रारी जाणवू लागल्या. यावर जानकार मंडळीकडून माहिती घेतली असता, पाणी जास्त वेळ थंड राहावे म्हणून त्यात केमिकल मिसळले जाते? कदाचित असे केमिकल युक्त पाणी पिण्यामध्ये आल्याने अशा पाण्यामुळे आरोग्याला गंभीर धोका निर्माण होऊ शकतो असे मत केले आहे. पाटील कुटुंबाने याप्रकरणी प्रशासनाकडे कारवाईची मागणी करणार आहेत. पाणी पुरवठा करणाऱ्या कुठलाही परवाना न घेता बिनधास्त पाण्याच्या मोठ्या टाक्यांमध्ये पाणी भरून गल्लो गल्ली फिरत असून यावर कडक नियम लागू करून त्यांच्या पाण्याची गुणवत्ता तपासण्याची गरज असल्याचे मत नागरिकांनी व्यक्त केले. याबाबत प्रशासन काय पावले उचलते जातील याकडे सर्वांचे लक्ष लागले आहे. तसेच नागरिकांना पाण्याच्या जारची नियमित नागरिकांनी थंड पाण्याचे जार खरेदी करतांना सावधगिरी बाळगावी आणि विश्वसनीय पुरवठादारांकडूनच पाणी मागवावे, असे आवाहन करण्यात आले आहे.
