पाचोरा पोलीस स्टेशनचे कर्मचारी वसीम शेख यांची जळगाव येथे बदली; भावूक वातावरणात निरोप समारंभ संपन्न
पाचोरा:पाचोरा पोलीस स्टेशन येथे कार्यरत असलेले लोकप्रिय पोलीस कर्मचारी वसीम शेख यांची जळगाव येथे बदली झाली आहे. पाचोरा शहरातील कार्यकाळात सर्व धर्मीय व सर्व धर्मीय समाजातील घटकांना सोबत घेऊन, मिळून-मिसळून काम करणारे एक संयमी आणि कर्तव्यदक्ष पोलीस कर्मचारी म्हणून वसीम शेख यांनी आपली ओळख निर्माण केली होती. त्यांच्या या बदलीच्या पार्श्वभूमीवर आज त्यांना पाचोरा येथे भावूक वातावरणात निरोप देण्यात आला.
हा निरोप समारंभ पाचोरा पोलीस बांधव तसेच शहरातील सामाजिक कार्यकर्ते इरफान मणियार आणि त्यांच्या मित्र परिवाराच्या वतीने संयुक्तपणे आयोजित करण्यात आला होता. या प्रसंगी वसीम शेख यांनी पाचोरा शहरात बजावलेल्या सेवेबद्दल आणि सामाजिक सलोखा जपल्याबद्दल उपस्थितांनी त्यांचे विशेष कौतुक केले व पुढील भावी वाटचालीस शुभेच्छा दिल्या.
या कार्यक्रमाला पाचोरा पोलीस स्टेशनचे पोलीस अधिकारी, कर्मचारी, शहरातील विविध क्षेत्रांतील नागरिक व सामाजिक कार्यकर्ते मोठ्या संख्येने उपस्थित होते.
