🚨 पोलिसांच्या सतर्कतेमुळे चोरी गेलेली दुचाकी अवघ्या दोन तासांत ताब्यात!

Advertisements

पाचोरा, (दिनांक ४ नोव्हेंबर २०२५) – पाचोरा पोलिसांच्या सतर्कतेमुळे आणि जलद कारवाईमुळे पाचोरा रेल्वे स्टेशन परिसरातून चोरीला गेलेली MH19DC 6308 क्रमांकाची मोटारसायकल अवघ्या दोन तासांमध्ये पोलिसांच्या मदतीने मूळ मालकास परत मिळाली आहे. दुचाकी मालक संदीप जगताप यांनी पोलिसांच्या कार्याबाबत आभार व्यक्त केले आहे. दिनांक ०३ नोव्हेंबर २०२५ रोजी संदीप जगताप यांची MH19DC 6308 या क्रमांकाची मोटारसायकल पाचोरा रेल्वे स्टेशन परिसरातून गहाळ झाली होती. मोटारसायकल चोरीला गेल्याची माहिती मिळताच पाचोरा पोलिसांनी माहिती घेऊन पोलिस निरीक्षक राहुल कुमार पवार यांच्या मार्गदर्शनाखाली गस्तीवर असलेल्या पथकाने अत्यंत सतर्कता दाखवली आणि चोरीला गेलेल्या दुचाकीचा शोध सुरू केला. पोलिसांच्या या जलद आणि प्रभावी कारवाईमुळे अवघ्या दोन तासांमध्ये दुचाकीचा शोध घेतला आहे. या पथकाचे अभिनंदन या यशस्वी कारवाईमध्ये पोलिस निरीक्षक राहुल कुमार पवार यांच्यासह पो. हवालदार गजानन देशमुख,वसीम शेख, पोलिस नाईक महेंद्र पाटील,श्रीराम शिंपी,आणि हरीश परदेशी यांचा समावेश होता.