भडगावच्या आदर्श कन्या विद्यालयाचा बारावीचा निकाल जाहीर; कीर्ती माळी ७१.१७% गुणांसह प्रथम
भडगाव: महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या मार्च २०२६ च्या बारावी परीक्षेचा निकाल जाहीर झाला असून, भडगाव येथील महात्मा फुले शिक्षण प्रसारक मंडळ संचलित आदर्श कन्या विद्यालय व कनिष्ठ महाविद्यालयाने देदीप्यमान यश संपादन केले आहे. विज्ञान शाखेची कीर्ती विजय माळी हिने ७१.१७% गुण मिळवून महाविद्यालयात प्रथम येण्याचा मान मिळवला. विशेष म्हणजे, महाविद्यालयाच्या विज्ञान शाखेचा निकाल १००% लागला असून कला शाखेचा निकाल ६३.६३% लागला आहे. विज्ञान शाखेत अश्विनी शिंदे व श्रद्धा पाटील, तर कला शाखेत संध्या खैरे व कंचन सोनवणे यांनी अनुक्रमे प्रथम क्रमांक पटकावत यशाची परंपरा कायम राखली आहे.
या घवघवीत यशाबद्दल संस्थेचे अध्यक्ष मा. एकनाथ गरबड महाजन यांच्यासह सर्व पदाधिकारी आणि संचालकांनी विद्यार्थिनींचे विशेष कौतुक केले आहे. प्राचार्य एस.पी. रोकडे, पर्यवेक्षक एस.पी. बोरसे आणि शिक्षक वृंदाच्या मार्गदर्शनाखाली ‘सावित्रीच्या लेकींनी’ घेतलेल्या या गगनभरारीमुळे संपूर्ण भडगाव परिसरात आनंदाचे वातावरण आहे. उत्तुंग यश मिळवणाऱ्या सर्व गुणवंत विद्यार्थिनींवर सध्या परिसरातून अभिनंदनाचा वर्षाव होत आहे.
