मंत्री गिरीश महाजन यांच्या मतदार संघात चक्रीवादळसदृश पावसाचा तडाखा; घरांची पत्रे उडाली, बांधीव घरांचेही नुकसान! खेडगाव नंदीचे व वेरुळीच्या नागरिकांकडून शासनाकडून मदतीची अपेक्षा?
पाचोरा, १२ जून २०२५: जळगाव जिल्ह्यातील पाचोरा तालुक्यात दिनांक ११ जून २०२५ रोजी रात्री झालेल्या चक्रीवादळसदृश पावसाने खेडगाव नंदीचे गावात मोठ्या प्रमाणात नुकसान झाले आहे. या वादळी वाऱ्यासह आलेल्या पावसामुळे गावातील अनेक झोपड्यांवरील पत्रे उडून गेली असून, बांधीव घरांचेही नुकसान झाले आहे. गिरीश महाजन यांच्या मतदारसंघातील या नुकसानीमुळे स्थानिक नागरिकांनी मदतीची अपेक्षा व्यक्त केली आहे.
• नुकसानीचा आढावा
खेडगाव नंदीचे गावात अनेक कुटुंबांच्या घरांचे पत्रे उडाल्याने त्यांचे निवारे धोक्यात आले होते. यामध्ये सिंधुबाई रूपसिंग पाटील, आशाबाई तुकाराम भालेराव, अलकाबाई भास्कर बागुल, विशाल ढमाले, पिरामन रामदास भालेराव, लक्ष्मण गोपाल, सुनीता पांडुरंग कोळी,किरण कोळी, शीतल संतोष भालेराव, शरदबाई बबन सोनवणे, विशाल बबन सोनवणे, सागर पंचाळ, राजू रामदास गोंधळी, ज्ञानेश्वर दिगंबर भालेराव, संतोष सुखदेव भालेराव, प्रवीण दिगंबर भालेराव, सुल्तान भिकन पिंजारी आणि दिलावर भिकन पिंजारी यांच्यासह अनेकांचे नुकसान झाले आहे. गावकऱ्यांनी शासनाकडून तातडीने नुकसानीचे पंचनामे करून भरपाई मिळावी, अशी मागणी केली आहे.
- प्रशासनाच्या कारवाईची प्रतीक्षा
जळगाव जिल्ह्यातील इतर गावांप्रमाणेच खेडगाव नंदीचे गावातील नुकसानीचे पंचनामे लवकरात लवकर होणे अपेक्षित आहे. माजी मंत्री आणि आमदार गिरीश महाजन यांच्या मतदारसंघातील या संकटाकडे त्यांचे लक्ष वेधले जाण्याची गरज आहे, अशी मागणी स्थानिकांनी केली आहे. या आपत्तीमुळे प्रभावित कुटुंबांना तातडीने मदत मिळावी, यासाठी प्रशासनाने त्वरित पावले उचलावीत, अशी अपेक्षा गावकऱ्यांनी व्यक्त केली आहे.
